कळींचा नारद

कळीचा नारद
आजकाल कळींच्या नारदांची संख्या फार वाढत आहेत.त्यामुळे लोक ऐकमेकांशी बोलायला घाबरतात.आपल्याकडून गोड बोलून घेवून आपल्याविषयी दुसर्‍याच्या मनात कोण कान भरील काहीच सांगता येत नाही एवढचं नाही तर त्याला मीठ मसाला लावून रंगतदार बनवण्यामध्ये अनेक जण माहीर आहेत.कुणावर विश्वास ठेवावा हेच समजत नाही.आपल्याबद्दल दुसर्‍याच्या मनात संशय निर्माण करणे किंवा त्याला भडकावणे हे काहीजण करत असतात म्हणजे त्यांना ती सवयच लागलेली असते.जिकडे तिकडे जासूसगिरी चालू असते.बर्‍याच वेळा आपण बोललो नसलो तरी बाॅसची प्रशंसा करण्यासाठी बाॅसला खोटे सांगितले जाते .बाॅस जर हलक्या कानाचा असेल तर मग आपल्या विषयी त्याचा मोठा गैरसमज झालेला असतो.असे जासूस फार खतरनाक असतात त्यामुळे उगीच संबंधामध्ये कडवटपणा येतो .बर्‍याच वेळा प्रकरण हाताबाहेर जाते.खर्‍या गोष्टीचा प्रचार लवकर होत नाही पण वाईट गोष्टींचा प्रचार फार लवकर होतो .तुम्ही एखादी चांगली गोष्ट केली तर वर्षानूवर्ष लोकांना माहीत पडत नाही पण तुमच्या हातुन वाईट गोष्ट झाली की वार्‍यासारखी लगेच पसरते व तुम्ही कोण कुठले याची पाळेमुळे खणली जातात.कारण खरी गोष्ट जड असते तिला इकडे तिकडे करतानां लोकांना कष्ट पडतात पण वाईट गोष्ट कचर्‍यासारखी हलकी असते म्हणून वार्‍यासारखी ती उडते.ही पसरवण्यासाठी लोकांना विशेष रूची असते.मोठ्या कुटूंबात सुध्दा ह्या जासुसगिरीमुळे कलह निर्माण होतो .कुटूंब तुटतात .लोकांची मने दुभंगतात  व त्यांच्यात दरीानिर्माण होते.अमक्या माणसामध्ये व आपल्यात कोणताही वाद झालेला नसतो तरी तो आपल्याला टाळतो याचा अर्थ कुणितरी त्याचे कान फूंकलेले असतात आपल्याबद्दल व तोही हलक्या कानाचा असल्याने  खरं मानून बसतो.विचार करा तुमच्या बाबतीत असं झालं आहे का ?असेल तर शहानिशा करा मगच विश्वास ठेवा आणि जासूसगिरी तुम्हीही करता का?बघा सोडण्याचं जमतं का ?
प्रा. दगा देवरे