हिमाचल ट्रीप

शेवटचा दिस गोड झाला

जेव्हा केली होती हिमाचल बुकींग
तेव्हा कुणीच नव्हते ओळखीचे
आलो आम्ही हिमाचलमध्ये
झाले आमचे नाते मैत्रीचे

घरापासून लांब राहून
रमलो या मित्रांमध्ये
घेऊन जाणार चांगल्या आठवणी
जपून ठेवू  कायम मनामध्ये

देशमुख सरांचे छान बोलणे
राहील कायमचे लक्षात
जेवण होते त्यांचे रूचकर
राहील चव त्याची मनात

शक्य  झाले तेवढे  दिले
सरांनी  आपल्या सर्वांना
आपणही समजून घेतले
सर्व परिस्थिती बघून सरांना

हाॅटेलची निवड सरांनी
खूप छान प्रकारे केली
प्रशस्त रूम व तेथील सुविधा
आम्हांला फार आवडली

रोज नवनवीन पदार्थाची
चवच होती न्यारी
आपल्या आवडी निवडीना
जपायची असायची त्यांची तयारी

रोहीत आणि सवंगडी
यांचे मानू या आभार
चहापाणी जेवण  देत होते
आम्हाला ते वेळेवर

जादूगाराची जादू बघून
झालो आम्ही अचंबित
थकलेल्या जीवांना तुम्ही
नवीन उर्जा दिलीत

सर एवढ्या वयात
तुमचा उत्साह आहे दांडगा
तीच प्रेरणा घेऊन
झुगारून दूऊ आम्ही आळशाचा गारवा

विशालसरांसारखा मुलगा लाभला
हे आहे सरांचे भाग्य थोर
असे प्रेम दिसणे झाले दुर्मिळ
दिसतात लोक एकमेकांपासून दूर

राहील आम्हांला चंदीगढ
चांगलेच लक्षात
सिमला आणि मनाली येथील थंडी
चांगलीच भरली आमच्या मनात

बसच्या चालकांना  देवू या
मनापासून  धन्यवाद
छान चालवली त्यांनी बस
सर्व संकटांना दिला त्यांनी छेद

हाॅटेल मालकांनी केले
चांगलेच आपल्याला सहकार्य
मनाला झाला चांगला आनंद
बघून आजूबाजूचे सौदर्य

टक्के आणि फॅमिली यांच्याबरोबर
घट्ट झाले आमचे नाते
जणू काय खूप दिवसांची मैत्री होती
असे आज मला खरंच वाटते

प्राजक्ताचा वाढदिवस आणला
सरांनी घडवून
खूप आनंद दिला
छान केक बनवून

कायम  संपर्कात राहण्यासाठी
घेऊ या एकमेकांचे नंबर
वाटू या सुखदु:खाच्या गोष्टी
नको जाऊ या एकमेकांपासून दूर

सर तुमच्या बरोबर आम्हाला
यायला अजून आवडेल
तुमची येईल आम्हाला  आठवण
तुमची शिस्त अन् विचार उपयोगी पडेल

हट्टाहास याजसाठी आम्ही
होता केला
सर्व संकटावर मात करून
शेवटचा दिवस गोड झाला

प्रा. दगाजी देवरे