श्रीमंतातले गरीब

का राहतात लोक गरीबांसारखे
फाटलेल्या जीन्स घालून
काहीच कसे वाटत नाही
जनतेची भीती सोडून

फाटलेल्या जीन्सची फॅशन
आली आहे म्हणतात
अंग प्रदर्शन दिसते
बघणारे शरमून जातात

गरीबांना नाही मिळत
अंगभर कपडे
श्रीमंताकडे असते रेलचल
पण ठेवतात रूप उघडे

आईवडिलांचाही होतो नाईलाज
बघण्याशिवाय नसतो पर्याय
मुले झालीत जास्तच हुशार
समजून सांगण्याचा शोधावा उपाय

श्रीमंत राहूनही राहतात
भिकारी बापुडे
फॅशनच्या नावाखाली मुले
घालतात कोणतेही कपडे

थोरांमोठ्यांचे संस्कार मुले
तुडवतात पायदळी
फाटलेल्या लोकांचे ठेवतात आदर्श
म्हणून अशी बुध्दी त्यांना मिळाली

पैशांची नसते काहींना किंमत
म्हणून करतात असे नाटकं
भरपूर पैसे मोजून
घेतात कपडे फाटकं

स्वातंत्र्यांचा घेऊ नये
असा गैरफायदा
संस्कृती जाते लयाला
फाटके घालणार नाही असा करा वायदा
प्रा. दगाजी देवरे

बघा जमतं का !