आहे व होता

आहे व होता

आहे म्हणजे वर्तमानकाळ

जीवंत असल्याचा पुरावा

होता म्हणजे भूतकाळ

आता नसल्याचा सांगावा

जीवन म्हणजे काय

आहे व होता यातील अंतर

काहींचे अंतर संपते न कळायच्या आधी

तर काहींचे संपत नाही लवकर

आहेत असतात कामाच्या धावपळी

कधीच न थांबणार्‍या

होतात सर्व संपते

काहीच खर्‍या नसणार्‍या

हे सांगता येत नाही

आहेचे कधी होईल होता

आहे मध्ये करावे चांगले काम

कुणाचाही बदला न घेता

आहे म्हणजे असतो

इतरांना भक्कम आधार

होता म्हणजे करतो

बाकींना कायमचे निराधार

आहेमध्ये नसते माणसाला

देत कुणी किंमत

होता मध्ये जाणवते

इतरांना त्याची किंमत

आहे जोपर्यंत शिल्लक आहे

तोपर्यंत आनंदी रहावे

होता मध्ये माहीत नसते

पुढे काय होत असावे

आहे मध्ये क्षणभर लोभासाठी

होता मध्ये होऊ नये रुपांतर

विचारपूर्वक पाऊल उचलून

लोभापासून रहावे कायमचे दूर

आहे मध्ये असतो आपला परिवार

सर्व सुखदु:खामध्ये वाटेकरी

होतामध्ये नसतो कुणी

आपल्याजवळ एका देवापरी

देवरे सर