प्रेम

प्रेम हे प्रेम असते

प्रेम ही घेण्याची गोष्ट नाही

तर ती आहे देण्याची

प्रेम हे जबरदस्तीने नसते

तर त्याची व्याख्या आहे त्यागाची

आईवडिल रात्रंदिवस कामं करतात

करायचे म्हणून नाही करत

आपल्या बाळांच्या प्रेमापोटी

ते मात्र राबत असताततरच त्याला अर्थ आहे

डोळे पुसणारे असतील कुणी

तर रडायला अर्थ आहे

खांदा असेल डोकं टेकायला

तर मनावरच्या दडपणाला अर्थ आहे

असतील  कुणी वाट बघणारे

तर घरी जायला अर्थ आहे

असलीत आपली माणसे

तर खर्च करायला अर्थ आहे

सेवा करायला कुणी असेल

तर आजारी पडायला अर्थ आहे

आपली समजूत काढणारे असलील

तर रुसायला फुगायला अर्थ आहे

प्रेमाची कदर करणारे असतील

तर  प्रेमाला अर्थ आहे

कुणी मनापासून ऐकत असेल

तर आपल्या शब्दांना अर्थ आहे

आईवडिलांचा सन्मान असेल

तर मुलांना अर्थ आहे

मुले संस्कारी असतील

तर आईवडिलांना अर्थ आहे

असेल मनात भाव

तर देवळात जायला अर्थ आहे

असेल समर्पणाची भावना

तर हात जोडायला अर्थ आहे

लोकांची मदत करायची असेल

तर ताकदीला अर्थ आहे

लोकांना दिशा दाखवायची असेल

तर त्या ज्ञानाला अर्थ आहे

नात्यात प्रेमाचा ओलावा असेल

तर त्या नात्याला अर्थ आहे

एकमेकांत विश्वास असेल

तर कोणत्याही व्यवहाराला अर्थ आहे

प्रामाणिकपणे काम करायचे असेल

तर नोकरीला अर्थ आहे

वाईट व्यसनांचा त्याग असेल 

तर त्यागाला अर्थ आहे

कष्टांने पैसे मिळवले असतील

तर त्या पैशांना अर्थ आहे

अपेक्षा न ठेवता मदत केली

तर निस्वार्थ कर्माला अर्थ आहे

निसर्गाबद्दल प्रेम असेल

तर भटकंतीला अर्थ आहे

पाऊसाबद्दल प्रेम असेल

तर त्याच्यात भिजायला अर्थ आहे

अध्यात्मतेचे ज्ञान असेल

तर जीवनाला अर्थ आहे

देवाच्या नामात आस्था असेल

तर भजनाला अर्थ आहे

किर्ती मागे उरली

तर मरणाला अर्थ आहे

जीवंतपणी मिळाला मोक्ष

तर जगण्याला अर्थ आहे

प्रा. दगा देवरे

आपली मुले नाही आलीत वेळेवर

आईबाबांचा जीव लागतो टांगणीला

प्रेमाची व्याख्या आहे काळजी घेणे

म्हणून घोर लागतो त्यांच्या जीवाला

ठेच लागते आपल्या बाळांना

डोळ्यात पाणी येते आईबाबांच्या

प्रेम व्यक्त होते डोळ्यातून

म्हणून कडा पाणवतात डोळ्यांच्या

प्रेम हे नसावे आंधळे

करुणा दया क्षमा शांती असावी

डोळसपणे केलेल्या प्रेमाची

अपेक्षा नेहमी धरावी

प्रेम बघायचे असेल तर

गाय वासरात बघावे

सुगरणीही घरटे बांधते

तिच्या प्रेमाचे निरीक्षण करावे

उन्हामुळे तापते धरणीमाता

पावसाला जाणवते आपली उणीव

गडगडाट करत आतूर होऊन

करतो तिच्यावर प्रेमाचा वर्षाव

प्रेमामुळे जेव्हा हिंसा होते

ते असते  स्वार्थी प्रेम

आपला फायदा करण्यासाठी

म्हणतात माझे आहे खरे प्रेम

पशुपक्षीही करतात प्रेम

भरवतात एक एक दाणा पिलांना

आपल्या पंखाखाली उब देऊन

दु:खी होत नाहीत त्रास सोसतांना

मातृभूमीच्या प्रेमापोटी दिले

अनेकांनी  आपल्या जीवांचे बलिदान

गोळ्या झेलल्या छातीवर

शत्रूंना यमसदनी पाठवून

भक्तांच्या प्रेमाखातर घेतो

जन्म धरतीवर देव वैकुंठाचा

भक्तांचे रक्षण करुन

देतो आनंद त्यांना जीवनाचा

देवावरच्या प्रेमापोटी

काहींनी केला संसाराचा त्याग

त्याचे जप ध्यान भजन करुन

शोधून काढला त्याचा माग

अनेक राजकारणी लोकांनी देशासाठी

स्वत:च्या संसाराची केली होळी

संपूर्ण आयुष्य देशासाठी देऊन

रिकामी केली आपल्या प्रेमाची झोळी

प्रेम देतांना परतीची

कोणतीही अपेक्षा ही नसावी

त्यामुळे होत नाही प्रेमभंग

ही गोष्ट लक्षात ठेवावी

चंद्राच्या निस्वार्थी प्रेमाने

भरती येते समुद्राला

ती आहे प्रेमाची पावती

हे समजायला हवे माणसाला

नदी धावत सुटते

प्रेमापोटी समुद्राला भेटण्यासाठी

समुद्रही वाट बघतो तिची

तिला मोठे करण्यासाठी

माणूस म्हणून जन्म मिळाला

म्हणून जगण्यावर प्रेम करावे

निसर्गाच्या प्रेमात हरखून

स्वत:वरही प्रेम करुन बघावे

प्रा.दगा देवरे

रुपारेल काॅलेज मुंबई