वचन

वचन
नका देऊ वचन कुणाला
पूर्ण करणे असते अवघड।
प्रयत्न  करतो असे म्हणा
पुढे नाही होणार परवड।।

आपण म्हणजे राम नाही
तेवढी सहनशक्ती आहे कुठे।
म्हणून नका देवू कुणाला शब्द
कारण आपण नाहीत तेवढे मोठे।।

वचन न पाळल्याने दुखावतात लोकं
उडतो विश्वास त्यांचा तुमच्यावरी।
जपून वापरा अनमोल शब्द
नाही पडणार तुमच्यात  दरी ।।

वचन म्हणजे नसते तोंडाची वाफ
असते ते विश्वासाचे प्रतिक।
ते पाळणे असते फार कठिण
व्हावे लागते आतून मतिक।।

फेकला शब्द म्हणजे वचन नसते
वचन म्हटलं की आठवतो राम।
ते नसते शब्दांची जुळवाजुळव
आपण मात्र शब्द देवून साधतो काम।।

प्रा. दगा देवरे