माणूस विधात्याच्या हातातली कटपुतली

माणूस एक कटपुतली

माणसा माणसा का करतोस गर्व
तुझ्या हातात बरेच नाही काही।
वाट पाहणे हेच तर असते बघणे
असचं आहे माणसा सर्वकाही।।
कारण माणूस आहे एक कटपुतली

जन्म नाही अन नाही मरण हाती
उद्या कसा येईल हेही नाही कळतं।
तुझं भविष्य नाही माहीत  तुला रे
उद्या कोण भेटेल हेही नाही माहीत।।
कारण माणूस आहे एक कटपुतली

पैसा येईल पैसा जाईल
माणूस असेल  अन नसेल माणूस।
काहीच नाही सांगता येणार
जीवन एवढं क्षणभंगूर कस।।
कारण माणूस आहे एक कटपुतली

निसर्गात होतात काय काय बदल
तोंड देत राहायचं असत।
बर्‍याच वेळा होतो माणूस हतबल
सूचतं त्याला काहीच नसतं।।
कारण माणूस आहे एक कटपुतली

आज आहे महालात तर उद्या तुरूंगात
क्षणात स्वर्गाचं होतं नरक।
नसते कधी केलेले कोणते पाप
तरीही सुख नसतं सारखं।।
कारण माणूस आहे एक कटपुतली

क्षणात गरीबीचा होतो श्रीमंत
तर श्रीमंताचा होतो गरीब।
अवतीभोवती असतो मित्रांचा गराडा
कधी मात्र रूसतं स्वताचं नशिब।।
कारण माणूस आहे विधात्याच्या हातातली कटपुतली

प्रा. दगा देवरे
रुपारेल काॅलेज मुंबई