प्रवेश

प्रवेश

जिकडे तिकडे चालली आहे धावपळ
प्रवेशासाठी करता आहेत पळापळ

दाखले गोळा करत आहेत प्रत्येक जण
नाही आहे त्यांचे भानावर मन

चांगले काॅलेज मिळण्यासाठी करत आहेत धडपड
पण मार्कांची झाली आहे पडझड

डोनेशनसाठी नाही खिशात पैसा
मग कमी मार्कावर प्रवेश मिळेल कसा

ओळखीसाठी पालकांची चालली पायपीट
पण सगळीकडे पैसे व मार्कांची आहे अट

काहींना मिळत आहे प्रवेश सहज
काही मात्र परेशान झाले आहेत आज

बर्‍याच जणांचे मिळाले स्वप्न धुळीला
काहींचे नशीब आहे बलवत्तर बोलायला

प्रवेशासाठी सगळीकडे दिसते आहे गर्दी
वाॅचमन रोखत आहेत  घालून वर्दी

पालक विद्यार्थी फिरता आहेत जोडीने
प्रवेश कसा मिळेल ग्रासले आहे या चिंतेने

काॅलेजमध्ये सगळेच लागले कामाला
वेळ मिळत नाही त्यांना जेवायला

प्रा. दगाजी देवरे