उठा वेगू करा

उठा वेगू करा

नका करू आळस
नका करू कंटाळा
उठा आता वेगू करा
अवघे जन सकळा

सोडा वाईट व्यसने
नाही दिवस आता उरले
चालला आहे एक एक दिवस
खूप आयुष्य वाया गेले

वाट बघतो आपली काळ
म्हणून सावध व्हरे आता
व्हा जागे  तुम्ही झोपेतून
करा चांगले काम येता जाता

जे जे ठावे ते टाकावे देऊन
हिच करावी मानवसेवा
स्वत:चाच विचार करून
नुसते खात बसू नये मेवा

लागतो  एक क्षण
श्वास बंद व्हायला
त्याआधी व्हारे सावध
आपले हित साधायला

योग प्राणायाम आहे
जीवनाचा मुख्य गाभा
नका करू दुर्लक्ष
नाहीतर करा तोबा तोबा

आयुष्य आहे सिमित
नका घालवू वाया
आता तरी व्हारे जागे
उरेल एक दिवशी फक्त काया

करू या भजन विठ्ठल विठ्ठल
भरेल आत  भरपूर उर्जा
होतील कामं चांगले
अन् वाढेल आपला दर्जा

प्रा. दगाजी देवरे