अती घाई संकटात नेई

अति घाई संकटात नेई

घाई नको कामाची
ठेवा डोकं शांत
घाईत येते संकट
विचार न करता धावत

होतात चुका फार
काम करताना घाई
माणूस येतो अडचणीत
म्हणून  नको कशाला घाई

गाडी चालवताना घाई घाईत
जायचे असते कामाला
होतो तेव्हा अपघात
म्हणून जागा नको पश्चातापाला

घाई घाईत चुकतात
जीवनातील महत्वाचे निर्णय
योग्य विचार करून
शोधावा चांगला पर्याय

काही निर्णय घ्यावे लागतात
जीवनात फक्त एकदाच
शांत डोकं ठेऊन
शंभर वेळा विचार करावाच

घर गाडी लग्न संपती
यासाठी करावा शांत डोक्पाने विचार
चुकला आपला निर्णय तेव्हा
संकटाचे लांब नसते अंतर

घाई घाईत नको
शब्द देऊ कुणाला
पुढे मात्र बिघडतात संबंध
जर शब्द नाही पाळला

ट्रेन बस मध्ये नको
घाई  चढण्या उतरण्याची
काहीवेळा जीवावर बेतते
याची जाणीव असावी कायमची

नवीन मैत्रीमध्ये नसावी
घाई विश्वासाची
तोलून मापून करून
नको शंका संशयाची

प्रा. दगाजी देवरे