पालकांचा प्रश्न

पालकांना पडलेला प्रश्न

इंजिनिअरनिंगला जाऊ की
मेडीकलला जाऊ
काहीच नाही समजतं
वाटतं दुसरीकडेच जाऊ

कधी शिक्षक व्हावसं वाटतं
विद्यार्थ्यांना शिस्त लावण्यासाठी
आजकाल विद्यार्थी हा बदलला
कधीही न बदलण्यासाठी

वाटते कधी करावी कंपनीत
एखादी नोकरी
पण पगाराकडे पाहून
मिळत नाही लग्नासाठी छोकरी

कधी वाटते मला बनावे
शेतकरी एक चांगला
पण हमीभाव नाही मिळत
शेतकर्‍याच्या मालाला

कधी वाटते मारावी
आकाशात  गरूड भरारी
पण पंखात नाही बळ
म्हणून मन नाही घेत उभारी

कधी वाटते सोडून सारे
व्हावे हिमालयात संन्यासी
पण नाही राहता येत
मला मात्र कधी उपासी

कोणते शिक्षण घ्यावे
याचाच पडला प्रश्न मला
सगळीकडे आहे बेरोजगारी
माझ्या शिक्षणाचा फायदा होईल का स्वत:ला

कोणती वाट निवडावी
हे काहीच कळतं नाही
सांगणारेही आहेत गोंधळात
बिचारे स्पष्ट काही बोलतचं नाही

प्रा. दगाजी देवरे