अर्थहीन शब्द

शब्द झाले अर्थहीन

आजकाल नाही राहीली
शब्दाला  फारशी किंमत
शब्द देतात पण
कुणीच नाही पाळत

सहजच घेतात काहीजण
शपथ आपल्या आईची
घाई असते शब्द
फक्त फेकायची

काम करून दाखवणारचं
असा शब्द देतात
पण काही दिवसांनी
सर्व काही विसरतात

सात फेरे घेताना
उच्चारतात शब्दाने मंत्र
जीवनात मात्र मंत्रांना
काहीच  नसतो अर्थ

तोंडी शब्दांना नाही
काही अर्थ राहिला
लेखी  देऊनही फसगतीने
माणूस हैराण झाला

पूर्वी शब्द दिला की
हमखास व्हायचे काम
आता शब्दा बरोबरच
हवा असतो दाम

आम्ही आईबाबांचा शब्द
खाली पडू नव्हतो देत
आता आईबाबांच्या शब्दाला
नाही राहीली किंमत

पूर्वी शब्द म्हणजेच
होता  दृढ विश्वास
आता शब्द देऊन
घात होतो हमखास

प्रा. दगा देवरे