देवांचा देव

देवांचा देव

देवांचा देव आहे विठ्ठल
आहे तो उभा पंढरपूरी
नाही आणिला नाही बसविला
आला तो पंढरपूर नगरी

संत झाले त्याच्याभोवती गोळा
झाला तो त्यांचा आधार
करीती आषाढी कार्तिकी वारी
सुख मिळते त्यांना भरपूर

वैकूंठ सोडूनी आला तो
भक्तांसाठी भूमंडळी
विठ्ठल विठ्ठल नामाने
चिंता सार्‍या हरतील

चालती भक्तजन पायी पायी
करिती वारीत विठ्ठलाचा गजर
विसरतात दु:खं सारी
करिती जप नाही बघत सकाळ दुपार

संसार असार विठ्ठल हे सार
म्हणती माऊली ज्ञानेश्वर  संत तुकाराम
करू या भजन विठ्ठलाचे
घेऊ या अंतरी त्याचे नाम

आषाढी कार्तिकी असा
सोहळा नाही स्वर्गी
त्याच्या नामाने लागतात
भक्तजन सतमार्गी

म्हणू या विठ्ठल विठ्ठल
गाऊ या विठ्ठल विठ्ठल
नाचू या म्हणूनी विठ्ठल विठ्ठल
बघू या ऐकू या विठ्ठल विठ्ठल

प्रा. दगाजी देवरे