याला काय म्हणावे

याला काय म्हणावे

घरात नाही खायला दाना
म्हणतो मला म्हणा राणा

गाडी नाही त्याच्या दारात
म्हणतो मला चालायला आवडतं

खिशात नाही एक दमडी
म्हणतो मला चालत नाही कोंबडी

सदा असते त्याचे मन बेचैन
म्हणतो असावे कायम समाधान

शिव्या असतात त्याच्या तोंडात
म्हणतो मौनाने भर पडते प्रगतीत

दुसर्‍याबद्दल बाळगतो द्बेष मत्सर
म्हणतो त्याच्यावर उधळा प्रेमाचा सागर

देवाबद्दल आहे त्याला आकस
वाटते  देवाने द्यावे त्याला भरगोस

चप्पल बूट घेण्याची नाही त्याला ऐपत
म्हणतो अनवाणी चालायला येते फार गंमत

टीव्ही घ्यायला नाही त्याच्याकडे पैसा
म्हणतो टीव्ही म्हणजे वाईट आरसा

बील भरायची नाही त्याची कुवत
म्हणतो लाईटमुळे डोळे दुखतात

लग्नाला नाही मिळत त्याला मुलगी
म्हणतो लग्नामुळे बरबाद होते जिंदगी

प्रा. दगाजी देवरे