गणरायाचे मनोगत

गणरायाचे मनोगत

पाहून गणरायास वाटले आश्चर्य

पृथ्वीवरची शांतता बघून

ना ढोलताशांचा आवाज

ना टाळ मृदुंग किर्तन

गर्दी कुठेच दिसत नव्हती

माझ्या कोणत्याही ठिकाणी

म्हणून मोकळा श्वास 

घेत होतो प्रत्येक ठिकाणी

सोने नाणी पैशांनी

तिजोर्‍या भरल्या नाही

माझ्या नावाने राजकारण

समाजकारण करताच आले नाही

नाच गाण्यांचा मला 

व्हायचा नेहमी त्रास

यावेळी एकदम शांतता

लागली माझ्या मनास

मोदक मला खायचे होते

भरपूर असे मिळालेच नाही

आईला जाऊन सांगीन

मोदकावीना पोट भरलेच नाही

पाऊस भरपूर मी पाडला

निसर्ग केला हिरवागार

कोरोनाकडे केली वक्र दृष्टी

होईल तो आता हद्दपार

बाळगोपाळ भेटले नाही

याची खंत वाटते मला

नाचायचे होते त्यांच्या बरोबर

भीती वाटत होती त्यांना बाहेर पडायला

कोट्यवधीची उलाढाल

यावर्षी झालीच नाही

माझ्या नावावर असलेला व्यापार

बघायला मला मिळालाच नाही

माझ्या नावाने जमा झालेला पैसा

यावर्षी काही दिसला नाही

त्या पैशांवर त्यामुळे काहींना

 मजा मारताच आली नाही

चाललो मी आज माघारी

देऊन जातो भरपूर आशिर्वाद

पुढच्या वर्षी येईल लवकर

घेऊन सारा हा आनंद

प्रा. दगा देवरे