वळण

वळण

आयुष्याला कधी वळण मिळेल

हे कुणालाच येत नाही सांगता

काही वळण असते चांगले

तर काही वळण बरबाद करते जाता जाता

माणूस चालता चालता असतो अनभिज्ञ

वळणाची नसते त्याला कल्पना

सावध असलेल्या माणसाला

भिती नसते वळतांना

काळ हा असतो टपलेला

झडप घालतो शिकारीवर

माणूस असतो त्यावेळी हतबल

काहीच उपाय नसतो त्यावर

पैसा संपत्ती पद हे ठरते

काळापुढे अगदी शून्य

माणसाच्या डोक्यातील हवा

नियतीपुढे असते नगण्य

एका क्षणाला माणूस मारतो भरारी

तर दुसर्‍याच क्षणाला पडतो तो धरतीवर

याला काय कारण असावे

हे प्रत्येकाचे आहे वेगवेगळे  मतेमतांतर

काही वळण असते

माणसाच्या आयूष्याचा शेवट

वळणाआधी माणसाने करावा

चांगले काम करण्याचा घाट

एका चुकीची शिक्षा

कधीतरी चुकवावी लागते

कोणत्याही नशेत न राहता

जागृतता महत्वाची असते

आज आहे ते उद्या असेलच

हे सांगता येत नाही

देवाचे नामस्मरण करावे

त्यामुळे माणूस खचून जात नाही

जीवन आहे दोन दिवसाचे

याचे स्मरण नेहमी ठेवावे

कुणीही आपल्याबरोबर नेहमी असणार

ह्या भ्रमापासून दूर राहावे

आपण आहोत प्रवासी

माहीत नाही कधी संपेल प्रवास

प्रवासाचा आनंद घ्यावा

मग कुणाचाही असेल सहवास

दगा देवरे