झंझट

झंझट

नसावे अंगाशी येणारे कोणते झंझट

मनशांती जाते बिघडून

अस्ताव्यस्त होऊन जाते

सुरळीत चाललेले जीवन

घरातील भांडणे जाताता विकोपाला

अगदी क्षुल्लक कारणाने

राग त्यावेळी नाही आवरला

मन भरुन जाते पश्चातापाने

पैसा संपत्ती याच्या लोभापायी

बरेचजण चक्कर काटतात न्यायालयाचे

जवळ असलेला पैसा जातो

आपली माणसेही  दुरावतात कायमचे

आॅफिसमध्ये जेथे आहे नोकरी व्यवसाय

तेथेही नियमाने शांतीने करावे काम

उगीचच नियमांचा भंग करुन

भ्रष्ट मार्गाने कमवू नये दाम

वरिष्ठांचा मान राखून

शिस्त ही अंगी बाळगावी

कुणाचा अपमान न करतात

अवास्तव अपेक्षा न करावी

चालतांना बोलतांना आपण

मोजून मापून शब्द वापरावे

चौकशीचा फेरा मागे न लागता

शांत जीवन  जगावे

दिवसभर नितीने काम केले

झोप घेते त्याला कवेत

अनितीने काम करणार्‍यांना

कळ येते त्याच्या छातीत

कोणतेही काम करतांना 

नियतीचा असतो आपल्यावर कॅमेरा

याची ज्याला असते जाणीव

त्याच्यामागे कधीच लागत नाही ससेमिरा

कुणाचा हेवा न करता

आपण आपल्या ठिकाणी असतो श्रेष्ठ

आपली किंमत वाढविण्यासाठी

कुणाला मानू नये कनिष्ठ

जो नेहमी जागृत असतो

 त्याच्या वाटेला येत नाही झंझट

नको त्या गोष्टीत वेळ न दवडता

योग्य कामाप्रती असते त्याची लगट

आहे आपण काही दिवसांचे पाहूणे

याचे नेहमी ठेवावे भान

राग द्वेष मत्सर लोभ वासना

यामुळे होऊ नये विचलीत मन

दगा देवरे